काठमाडौं, ६ साउन जापानले रोजगारीका लागि नेपाली कामदार लैजाने पक्का भएको छ त्यसका लागि भाषा परीक्षा आउँदो असोजमा सञ्चालन हुने भएको छ श्रम, रोजगार तथा सामाजिक सुरक्षा मन्त्रालयका रोजगारी खुलाएका १४ क्षेत्रमध्ये पहिलो चरणमा केयरगिभर कामदार लैजाने निर्णय भएको हो भाषा परीक्षापछि सीप परीक्षण समेत गरिन्छ भाषा परीक्षाका लागि जापान फाउन्डेसनले परीक्षा सञ्चालन गर्नेछ ।

मन्त्रालयका उपसचिव दीपक ढकालका अनुसार असोजमा परीक्षा सञ्चालन गर्ने तयारी पुरा भएको छ ‘जापान रोजगारीका लागि पहिलो चरणमा केयर गिभर नर्सिङ केयरमा कामदार लैजानेछ’, उनले भने सीप र भाषाको परीक्षा जापान सरकारले तोकेका संस्थाले लिनेछन् जापानले रोजगारीको अवसर खुलाएका देशका नागरिकका लागि तोकिएको सीपमा जापानमा पनि परीक्षा सञ्चालन गरी कामदार आपूर्ति भइरहेको छ ।

कम्प्युटरमा आधारित भाषा परीक्षा सञ्चालन हुनेछ उत्तीर्ण भएका सूचीका आधारमा कामदार जापान जान पाउने उनले बताए नर्सिङ केयरका लागि अरु योग्यता र तालिमको प्रमाणपत्र अनिवार्य गरिएको छैन नर्सिङ केयर क्षेत्रमा रुचि भएका तथा भाषामा निपुर्ण भएका जोकोही जापान जान पाउनेछन् नर्सिङ केयरका लागि परीक्षा सञ्चालन प्रक्रिया सुरु भए पनि कति कामदार लैजाने भन्ने यकिन भइसकेको छैन ।

जापानमा वृद्ध जनसंख्या बढ्दै गएकाले जापानले पहिलो चरणमा उनीहरूको हेरचाहलाई लक्ष्य गरेर नर्सिङ केयरमा कामदार लैजान लागेको हो। कामदार जापान लैजाने प्रक्रिया अघि बढेसँगै वैदेशिक रोजगार विभागमा जापान रोजगार युनिट स्थापना गर्ने तयारी अन्तिमचरणमा पुगेको छ वैदेशिक रोजगार विभागका प्रवक्ता भोलानाथ गुरागाईँले परीक्षा सञ्चालनका लागि गृहकार्य सुरु भएको बताए ।

जापान युनिटका लागि सम्पर्क व्यक्तिका रूपमा गुरागाई तोकिएका छन् कुनै विषय आएमा विभागबाट गर्नुपर्ने काम उनकै नेतृत्वमा हुनेछ जापानले नेपालसहित ९ देशबाट आगामी ५ वर्ष्भित्र नौ मुलुकबाट ३ लाखभन्दा बढी कामदार लैजान लागेको छ जापानले ती देशसँग श्रम समझदारी गर्दै आएको छ ।


Your Views
Related News