१८ असार २०७६, बुधबार चितवन ।गौतम बुद्ध अन्तर्राष्ट्रिय क्रीकेट रंगशाला सहयोग समिति चितवनले निर्माण को जिम्मा लिएको धुर्मुस सुन्तली फाउन्डेसनलाई पुन काममा फर्कन अनुरोध गरेको छ ।
आज भरतपुरमा बसेको समितिको बैठकले बिचैमा रोकियको रंगशाला निर्माण को कामलाइ निरन्तरता दिन अनुरोध गरेको हो । गत जेठ १५ गते रंगशाला को बार भत्कायको काण्ड पछि निर्माण कार्य रोकियको थियो । समितिका अध्यक्ष तथा जिल्ला समन्वय समितिका प्रमुख कृष्ण कुमार डल्लाकोटिको अध्यक्षतामा बसेको बैठकले रंगशाला निर्माणमा लाग्न विभिन्न समिती गठन गरेको छ ।
हरेक पालिकामा आर्थिक सहयोग समिती गठन गर्ने, १७ सदस्यिय अनुगमन समिती गाठन गर्ने लगायत रहेको छ ।

प्रतिनिधि सभा सदस्य कृष्णभक्त पोखरेलले गौतम बुद्ध अन्तर्राष्ट्रिय क्रिकेट रंगशाला चितवनको मात्र नभई राष्ट्रकै गौरवको आयोजना भएको भन्दै यसलाई सहयोग रहने बताउनु भयो । सबैले आआफ्नो स्थानबाट सक्रियताकासाथ लाग्न अनुरोध गर्दै धुर्मुस सुन्तली फाउन्डेसनलाई काम अगाडि बढाउन उहाँले आग्रह गर्नुभयो ।
प्रदेश सभा सदस्य विजय सुवेदीले रंगशाला सिङ्गो नेपाली जनताको साझा माग भएको भन्दै यो बनिछाड्ने बताउनु भयो । उहॉले समस्याहरु हरेक ठाउँमा हुने भन्दै समस्याको समाधान गर्दै अगाडि बढ्न सहयोग समितिलाई आग्रह गर्नुभयो । चितवन रंगशाला निर्माणको लागि जुरुक्कै उठेको सन्देश प्रवाह गर्न आवश्यक रहेको बताउनु भयो ।
भरतपुर महानगरपालिका प्रमुख रेनु दाहालले रंगशाला बन्छ कि बन्दैन भन्ने दोधारमा कोही रहन नहुने भन्दै रंगशाला बनाएरै छाड्ने बताउनु भयो । गौतम बुद्ध अन्तर्राष्ट्रिय क्रिकेट रंगशाला भरतपुरको मात्र नभई दैशकै गौरवको आयोजना रहेको भन्दै मेयर दाहालले यसलाई सहयोग गर्न सबैलाई आग्रह गर्नुभयो । उहाँले भरतपुर महानगरपालिकाले रकम समेत छुट्ट्याइसकेको बताउँदै संघ, प्रदेश र अन्य स्थानीय निकायबाट आवश्यक सहयोग हुने बताउनु भयो । जिजी क्षेत्रको सहभागितामा निर्माण हुने रंगशालामा सबैको सहयोग आवश्यक रहेको बताउँदै उहाँले धुर्मुस सुन्तली फाउन्डेसनलाई काम सुरु गर्न आग्रह गर्दै रकम अभावका कारण रंगशाला निर्माण नरोकिने समेत बताउनु भयो ।
मूल सहयोग समितिका संयोजक कृष्णकुमार डल्लाकोटीको अध्यक्षतामा सम्पन्न बैठकमा प्रदेश सभा सदस्यहरु घनश्याम दाहाल, कृष्ण भुर्तेल, नेपाल उद्योग वाणिज्य महासंघका डा. तिलचन्द्र भट्टराई, उद्योग वाणिज्य संघ चितवनका अध्यक्ष सहनलाल प्रधान, चितवन उद्योग संघका वरिष्ठ उपाध्यक्ष राजु पौडेल लगायत सहभागी थिए ।


Your Views
Related News