अमेरिकाको सिएटलमा बस्ने एक समाजसेवी एलन नाइमेन (६३) ले मृत्युअघि गरिब बच्चाका लागि ११ मिलियन डलर ( १ अर्ब २३ करोड रुपैयाँ) दान दिएका छन् । अचम्मको कुरा त के छ भने यसबारे एलनका निकै नजिकका साथीलाई समेत थाहा थिएन । यसै वर्ष जनवरीमा क्यान्सरका कारण एलनको मृत्यु भएको थियो । उनको वसियत नामाबाट उनले गरेको दानबारे थाहा भएको हो ।

सबैजना अचम्मितः

वासिङ्टनमा चिल्ड्रन सर्भिसमा एलनसँग काम गरिसकेकी मेरी मोनाहन भन्छिन्, ‘यसबारे थाहा पाउँदा सबैजना चकित भए । यति धेरै पैसा उनले कसरी दान गरे भन्ने बारे हरकोही जान्न खोजिरहेका छन् । क्यान्सरबारे थाहा भएपछि उनले मृत्युअघि आफ्नो सबै सम्पत्ति च्यारिटीलाई दान दिने बताएका थिए ।’

मोनाहन भन्छिन्, ‘उनले सोसल सर्भिसमा थुप्रै यस्ता बच्चाका लागि काम गरेका छन् जो आर्थिक रुपमा लाचर र शारिरिक रुपमा कमजोर थिए । उनलाई लाग्थ्यो कि यस्ता थुप्रै मानिसहरु छन् जसलाई केही दिन अत्यावश्यक छ । एलनले बच्चाक लागि काम गर्नका लागि ३० वर्षअघि बैंकिङ करियर छाडेका थिए ।’

एलनको सम्पत्ति स्थानीय च्यारिटी संगठनमा बाँडिनेछ । बच्चाको एक च्यारिटी संगठन ट्रिहाउसकी चिफ डिभलेपमेन्ट अफिसर जेसिका रोसका अनुसार मृत्यु हुनु करिब पाँच महिनअघि एलनले पाच हजार डलर दान गरेका थिए । ’उनको वसियत नामामा हामीलाई ९ लाख डलर दिइएको भन्ने थाहा भएपछि हामी चकित भयौं,’ उनले भनिन् ।

कम खर्चालु थिए एलन, विवाह गरेनन्ः

एलनका बैंङ्कि दिनका साथी शशी करन भन्छन्, ‘उनी निकै कम खर्च गर्दथे । उनलाई कारको शौख थियो तर उनी सस्तो कपडा लगाउँथे । उनले जीवनभर थोत्रा गाडी चलाए । जब उनले यति ठूलो राशी दान दिएको भन्ने थाहा पाएँ तब मलाई लाग्यो कि मैले उनलाई राम्रोसँग चिनेको छैन रहेछु ।’

उनका साथीहरुका अनुसार एलनले विवाह गरेनन् तर उनी बच्चाहरुलाई निकै प्रेम गर्दथे । उनले तीन–चार ठाउँमा काम गर्थे ताकि बच्चामाथि खर्च गर्नका लागि धेरै कमाउन सकून् ।

एलनका दाइ डेभलपमेन्ट डिसएबिलिटीबाट पीडित थिए, जो निकै मुश्किलले बोल्न सक्थे । सन् २०१३ मा उनको मृत्यु भएको थियो । एलनका निकै नजिकका साथी सुसन मेडसन भन्छन्, ‘उनी जुन वातावरणमा हुर्किए, त्यसले उनको जीवनमा निकै प्रभाव पार्यो । उनको एउटै उद्देश्य थियो, कष्टमा भएका मानिसहरुका लागि केही गर्नु ।’


Your Views
Related News