कलैया : सत्तारुढ नेपाल क,म्युनिस्ट पार्टी (नेकपा)को चियापानमा सहभागी हुन क,म्युनिस्ट सरकारका उपप्रधान तथा रक्षामन्त्री ईश्वर पोखरेल हेलिकप्टरबाट आएपछि जिल्लास्तरीय अन्तर विद्यालय क्रिकेट प्रतियोगिता प्रभावित भएको छ ।

बाराको कलैयास्थित सिद्देश्वर क्रिकेट मैदानमा हेलिकोप्टर ल्याण्ड गर्नुपर्ने भन्दै जिल्ला प्रशासन कार्यालय बाराले चलिरहेको जिल्लास्तरीय अन्तर विद्यालय क्रिकेट प्रतियोगिता स्थगित गराएको हो । पार्टीको चिया खान आएका मन्त्रीका लागि क्रिकेट प्रतियोगिता नै स्थगित गराइदिएपछि स्थानीयले वि,रोध समेत गरेका छन् ।

प्रतियोगिता रोक्न लगाएपछि शनिबारका दुई खेल प्रभावित भएको कलैया क्रिकेट क्लबका एक पदाधिकारीले बताएका छन् । रक्षामन्त्री पोखरेलका का,रण दुई खेल रद्द हुँदा आयोजकलाई आर्थिक भार थपिएको छ । कार्यक्रमको पूर्वनिर्धारित तालिका समेत बि,ग्रिएको आयोजकको भनाइ छ ।

बाराका प्रमुख जिल्ला अधिकारी गणेश भट्टराईले सिद्देश्वर क्रिकेट मैदानमा हेलिकोप्टर ल्याण्ड गर्दा प्रतियोगिता रोकिएको बारे शनिबार मात्र जानकारी पाएको बताए ।

कलैयामा अन्यत्र पनि हेलिकोप्टर ल्याण्ड गर्नका लागि पर्याप्त स्थान रहेको प्रजिअ भट्टराईले बताए । उनले अन्य ठाउँमा पनि हेलिकप्टर रोक्न सकिने स्थान रहेको भन्दै यसबारेमा आफूलाई धेरै जानकारी नरहेको दाबी गरे ।

बाराको आधाभरस्थित नेपाली सेनाको जङ्गल वारफेयर शिक्षालयको निरीक्षणका लागि बारा आएका रक्षामन्त्री पोखरेल नेकपा बाराले आयोजना गरेको चियापान कार्यक्रममा सहभागी हुन जिल्ला सदरमुकाम कलैया आएका हुन् ।


Your Views
Related News