मंगलबार ०४ माघ २०७८

नारायणहिटी संग्रहालयमा भएको बंकरसमेत तोडफोड गरेर संरचना बनाइएको रहेछ: प्रेम आले

काठमाडौँ– नारायणहिटी दरबार संग्रहालय परिसरमा रेस्टुरेन्ट सञ्चालन गर्न दिइएको विषयमा छानबिन गर्न बनेको छानबिन समितिले प्रतिवेदन बुझाएको छ ।सोमबार संस्कृति, पर्यटन तथा नागरिक उड्ययन मन्त्री प्रेम आलेलाई छानबिन समितिले प्रतिवेदन पेश गरेको हो ।छानबिन समितिको प्रतिवेदन लिँदै मन्त्री आलेले नारायणहिटी संग्रहालयमा निर्माण भएका संरचना हटाइएको बताए । उनले १४ रोपनी जग्गामा विना कुनै इजाजत संरचना निर्माण गरेको बताए । साथै उनले गैरकानूनी रुपमा कारवाही गरिने पनि बताए ।

‘१४ रोपनी जग्गामा विना कुनै इजाजत भौतिक संरचना निर्माण गरेको पाइयो’, मन्त्री आलेले भने ।उनले नारायणहिटी संग्रहालयमा होटल सञ्चालन गर्दा दु:ख लागेको बताए । उनले यसरी राज्यको सम्पत्ति दोहन भयो भने यसले समस्या पार्ने बताए ।नारायणहिटी दरबार संग्रहालय परिसरमा रेस्टुरेन्ट चलाउन बतास समूहलाई दिएको विषयमा विरोध भएपछि पर्यटनमन्त्री प्रेम आलेले निर्माण कार्य रोक्न आदेश दिएका थिए ।

यस विषयमा प्रतिवेदन तयार पार्न मन्त्रालयले सहसचिव होप्रसाद लुईँटेलको संयोजकत्वमा ५ सदस्यीय समिति गठन गरेको थियो ।सदस्यहरूमा संस्कृति, पर्यटन तथा नागरिक उड्डयन मन्त्रालयका उपसचिवत्रय टेकनारायण पौडेल, सूर्यमणि गौतम,

पुरुषोत्तम खतिवडा र सदस्य सचिवमा शाखा अधिकृत टंकबहादुर नेगी रहेका छन् ।छानबिन समितिले अनधिकृत रुपमा नारायणहिटी संग्रहालयको जग्गा लिएको निष्कर्ष निकालेको छ ।

खबरहब बाट


Last Updated on: January 12th, 2022 at 8:47 am
६९ पटक हेरिएको

तपाईको प्रतिक्रिया