शुक्रबार ०७ माघ २०७८

चितवन । एमाले महाधिवेशनको बन्दसत्र हलबाट उपाध्यक्ष भीम रावल बाहिरिएका छन् । बन्दसत्र सुरु भएको केही बेरमै रावल बाहिरिएका हुन् । हलबाहिर अध्यक्ष केपी ओलीको समर्थनमा कार्यकर्ताले नारावाजी गरिरहेका छन् । उनी अध्यक्षमण्डलकाे बैठकमा सहभागी हुन बाहिरिएकाे बताइएकाे छ ।

कपा एमालेको महाधिवेशन अन्तरगत बन्दसत्र ढिला गरी सुरु हुँदा कार्यकर्ताले अध्यक्ष केपी शर्मा ओलीको पक्षमा नाराबाजी गरेका छन् । अध्यक्ष ओली हलमा प्रवेश गर्नासाथ नाराबाजी सुरु भएको हो ।कार्यकर्ताले ‘वि लभ यू केपी बा’, ‘आज होइन भोलीलाई १० बर्ष अ‍ोलीलाई’, ‘पार्टी फुटाउने मतियार होसियार’ भन्दै नारा लगाइरहेका छन् । बिहान १० बजे सुरु हुने भनिएको बन्दसत्र राति १० बज्न लाग्दा सुरु भएको छ ।

महासचिवमा शंकर पोखरेल
नेकपा एमालेको महासचिवमा शंकर पोखरेलले बाजि मारेका छन् । जबजका व्याख्याताका रूपमा परिचित पोखरेललाई एमालेले सर्वसम्मत महासचिव निर्वाचित गरेको एमाले उच्च स्रोतले जनाएको छ । महासचिवका अर्का आकांक्षी बिष्णु पाैडेललाई उपाध्यक्षमा चयन गरिएको छ । केहीबेरमा पोखरेललाई बन्दसत्रमा महासचिव घोषणा गरिदैछ ।


Last Updated on: November 29th, 2021 at 5:04 am
१७५ पटक हेरिएको

तपाईको प्रतिक्रिया