मंगलबार ०३ जेठ २०७९

संस्कृति, पर्यटन तथा नागरिक उड्ययनमन्त्री प्रेमबहादुर आलेले निजगढ अन्तर्राष्ट्रिय विमानस्थलको काम छिट्टै थाल्ने बताएका छन् । निजगढ विमानस्थल निर्माणमा विलम्ब नहुने र बजेटको व्यवस्था हुनासाथ काम अघि बढ्ने जनाइएको छ ।

रुख काट्ने काम पनि द्रुत गतिमा सुरु गर्ने आलेको भनाई छ । रिपोर्टर्स क्लब नेपालले बाराको सिमरामा आज आयोजना गरेको साक्षात्कारमा मन्त्री आलेले प्रधानमन्त्रीले समेत विमानस्थल बनाउन साथ दिएको स्पष्ट पारे ।

उनले भने, ‘माधव नेपालले प्रधानमन्त्री शेरबहादुर देउवा ज्यूसँग बालुवाटारमा गठबन्धनका नेताको उपस्थितिमा यो विषयमा छलफल गर्नुभएको थियो, सबै सरोकारवाला मन्त्रीसँग बसेर छलफल भएको थियो ।

त्यतिवेला छिट्टै निजगढमा जानुपर्छ भन्ने कुरा भएको थियो । हिजोमात्रै माधव नेपाल, रामचन्द्र पौडेललगायत माननीय ज्यूहरु यहाँ स्थलगत अवलोकनको लागि आउनुभयो ।’

काठमाडौंमा आयोजित साक्षात्कारमा उनले वरिष्ठ नेता, मन्त्री, सांसदको उपस्थितिमा हिजोमात्रै स्थलगत अवलोकन गरिएको बताए । उनले भने, ‘पहिले वनमन्त्री हुँदापनि आएको थिएँ ।

त्यतिवेला पर्यटमन्त्री भानुभक्त ढकालसँग आएको थिएँ, रुख कटान गर्न पहल गरिदिउँ भन्नुभएको थियो, त्यतिवेला मैले बजेटको सुनिश्चितता हुनुपर्‍यो भनेको थिएँ ।’

उनले काम गर्नका लागि मन्त्री भएको भन्दै अरुले पाँच वर्षमा गर्न नसकेको काम पाँच महिनामा गरेर देखाएको पनि दाबी गरे । उनले भने, ‘पाँच वर्षमा कुनै मन्त्रीले गर्न नसकने काम मैले ५ महिनामा गरेको छु ।

टाँगिया बस्तीका सबै ढुक्क हुनुहोस, माधव नेपालले त सुरुदेखि नै विमानस्थल निर्माणको कुरा गर्दै आउनुभएको छ, निर्माण प्रक्रिया सुरु हुन्छ, माधव नेपालको त ड्रिम प्रोजेक्ट हो । भन्ने मात्रै होईन, एक्शनमा गर्ने हो ।’

उनले निजगढ विमानस्थलका लागि अर्थमन्त्री जनार्दन शर्माले बजेटको व्यवस्था गर्छु भनेर भनेको पनि बताए । उनले भने, ‘प्रधानमन्त्रीज्यूले पनि यही कुरा भन्नुभएको छ । अब हामी रुख हटाउने काममा लाग्छौं ।

अर्कोतर्फ टेण्डर गरेर काम अघि बढाउँछौं । हामीसँग धेरै खालका मोडेल छन्, कसरी बनाउने भन्नेबारे छलफलमा छौं । नेपाल सरकारको बजेटबाट बनाउने हो भने क्यानअन्तर्गत अघि बढ्छौं । बाहिरको पैसा पनि ल्याएर काम गर्न सक्छौं ।’

उनले चुनावभन्दा अघि नै वस्तीको उचित स्थानान्तरणको काम सुरु हुने विश्वास दिलाए । उनले भने, ‘यहाँ स्थलगत अवलोकनमा आउनुभएको नेताले एक महिना भन्दै हुनुहुन्छ ।

म १५ दिनमै काम अघि बढाउँछु । चुनाव आयो भनेर काम नै नगर्नु त रु क्यासिनोले तिर्न बाँकी रहेको करोडौं बक्यौता रकम उठाएको छु ।’ उनले निजगढ अन्तर्राष्ट्रिय विमानस्थलको काम आफ्नो पालामा सुरु भयो भने ५र६ वर्षमा सम्पन्न भैसक्ने विश्वास दिलाए ।

एमाले नेता भीम रावलको मत एमसीसीको विपक्षमा ! साथमा यति यति धेरै साँसदहरु
प्रतिनिधिसभाको आगामी बैठकमा अमेरिकी सहयोग परियोजना, मिलेनियम च्यालेन्ज कम्प्याक्ट (एमसीसी) सम्झौता अनुमोदनका लागि पेश गर्ने प्रधानमन्त्री शेरबहादुर देउवाको तयारी रहदाँ गठबन्धनको भविष्य धरापमा पर्ने देखिएको छ । अबको केही दिनमा राजनीतिमा ठूलै उलटपुलट हुने निश्चितप्रा भएको छ ।

बैठकमा सत्तारुढ माओवादी केन्द्र र एकीकृत समाजवादीका सांसदहरु अनुपस्थित हुने र एमसीसी पास गर्ने वा नगर्ने नेकपा एमालेमा भर पर्ने पनि आँकलन भइरहेकै छ ।

यसअघि, प्रचण्ड र देउवाले एमसीसी अनुमोदनका लागि सहमति जुटाउन समय मागेका थिए । तर पुसमा सम्पन्न महाधिवेशनबाट माओवादीले यथास्तितिमा एमसीसी अनुमोदन नगर्ने निर्णय लियो भने एकीकृत समाजवादी पनि त्यही लाइनमा उभियो ।

सभामुख अग्निप्रसाद सापकोटाले पनि राष्ट्रिय सहमति वा सत्तारुढ गठबन्धनको सहमतिमा मात्र एमसीसी टेबल हुन नसक्ने बताएको नेताहरु बताउँछन् ।

प्रधानमन्त्री एमसीसी टेबल नगरी नछाड्ने, प्रचण्ड–माधव नेपालले नदिने अडानका कारण सत्तारुढ गठबन्धनकै भविष्यमा प्रश्न उठेको थियो । प्रधानमन्त्री देउवाले प्रमुख विपक्षी नेकपा एमालेसँग सम्वाद गरे । त्यो थाहा पाएपछि प्रचण्डले पनि पार्टीका नेताहरुमार्फत एमाले नेताहरुसँग सम्वाद गरे । कांग्रेसका एक नेता भन्छन्, ‘यो बीचमा एमालेलाई देखाएर दुबैले एकअर्कालाई तर्साउने खेल भयो ।’

अमेरिकाले पनि प्रचण्डमाथि दबाव बढाउन देउवासँग मिलेर ४र५ महिना समय माग गर्दै लेखेको पत्र सार्वजनिक मात्र भएन, २८ फेब्रुअरी अर्थात् १६ फागुनको डेडलाइन दियो ।प्रधानमन्त्री देउवाले २३ माघमा प्रचण्डसँगै एमाले अध्यक्ष केपी शर्मा ओलीलाई बालुबाटार बोलाए ।

नेताहरुका अनुसार त्यो छलफलमा देउवाले एमसीसी अनुमोदनका लागि एमालेको साथ लिएर भए पनि अघि बढ्न सक्छु भन्ने सन्देश दिन चाहेका थिए ।

तर ओलीले एमसीसी टेबल भएको अवस्थामा एमालेले समर्थन गर्छ भनेनन् । बरु अरु बेला झै सत्ता गठबन्धनको धारणा आएपछि मात्र बोल्ने भनेर पन्छिए ।

एमसीसी सम्झौता संसदमा अनुमोदन गराउने क्रममा मन्त्रिपरिषद्‍बाट नयाँ निर्णय नगर्ने सरकारको तयारी छ । केपी शर्मा ओली नेतृत्वको मन्त्रिपरिषदले निर्णय गरेर तत्कालीन अर्थमन्त्री डा। युवराज खतिवडाले संसदमा दर्ता गराएको प्रस्ताव अघि बढाउने देउवा सरकारको तयारी छ ।

त्यो प्रस्तावमा एमसीसी सम्झौतालाई संघीय संसदबाट अनुमोदन गराउने र दातृ निकायलाई जानकारी गराउने भनिएको छ ।

स्रोतका अनुसार यही बुधबार बस्ने प्रतिनिधिसभा बैठकमै एमसीसीबारे छलफल गराउने सरकारको तयारी छ । सभामुख अग्निप्रसाद सापकोटाले पनि भोलि सोमबार सर्वदलीय बैठक बोलाएका छन् ।

यदि ४ फागुनको संसद बैठकमा एमसीसीबारे छलफल हुने भयो भने माओवादी केन्द्र र एकीकृत समाजवादीका सांसदहरु अनुपस्थित हुने वा एमसीसीको विरोध गरेर बाहिर निस्कने बाटो रोज्न सक्छन् । त्यो बेला संसदमा उपस्थित सांसद संख्याको बहुमतका आधारमा एमसीसी पास गर्ने प्रधानमन्त्री देउवाको योजना छ ।

उनको हिसाब छ, एमसीसीको विपक्षमा जम्मा चार भोट खस्छ । राष्ट्रिय जनमोर्चाकी सांसद दुर्गा पौडेल, नेपाल मजदुर किसान पार्टीका प्रेम सुवाल, राप्रपाका राजेन्द्र लिङ्देन र नेकपा एमालेका भीम रावल ।

स्रोतका अनुसार रावलले एमसीसी टेबल भए संसदमा उपस्थित भएर विपक्षमा भोट हाल्ने खबर पठाएका छन् । अरुले एमसीसीको विपक्षमा मत दिने निर्णय गर्न नसक्ने प्रधानमन्त्री देउवाको दाबी छ ।

तर देउवाले चाहे जसरी एमसीसी पास गर्न पनि एमाले नै निर्णायक हुने देखिएको छ । संसदमा एमालेका ९७, कांग्रेसका ६१, माओवादी केन्द्रका ४९, एकीकृत समाजवादीका २४, जनता समाजवादीका १९, लोकतान्त्रिक समाजवादीका १३ र जनमोर्चा, नेमकिपा र राप्रपाका एक–एक सांसद छन् ।

News parda bata


Last Updated on: February 17th, 2022 at 3:04 pm
२१८ पटक हेरिएको

तपाईको प्रतिक्रिया