मंगलबार ०३ जेठ २०७९

काठमाडौं। केही दिनअघि सिख फर जस्टिस नामको संगठनले भारतका मुसलमानहरुसँग भारतलाई टुक्र्याएर छुट्टै देश ‘उर्दिस्तान’ बनाउन आह्वान गरेको छ ।

यसले भारतको राजनीतिमा ठूलो तरंग ल्याएको छ । भारतको सूचना तथा प्रसारण मन्त्रालयले सिख फर जस्टिस संगठनसँग जोडिएका सामाजिक संजालका अकाउन्टहरु, वेबसाइटहरु र एपहरुलाई ब्लक गर्न आदेश दिएको छ ।

मन्त्रालयले यी माध्यमबाट संगठनले अहिले चलिरहेको राज्य विधानसभा चुनाबमा कानुन व्यवस्थाको स्थिति बिगार्ने कोसिस गरेको आरोप लगाएको छ ।

यो सगठनलाई १९६७ मा प्रतिबन्ध लगाइएको थियो । त्यतिबेला भारतमा सिखहरुको लागि छुट्टै देश खालिस्तानको माग उत्कर्षमा थियो ।

प्रेस सूचना ब्युरोले जारी गरेको प्रेस विज्ञप्तिमा मन्त्रालयले आइटी नियम अनुसार प्राप्त आपतकालीन शक्तिको प्रयोग गर्दै यो फैसला गरेको भनिएको छ ।

विज्ञप्तिमा जुन एपहरु, वेबसाइटहरु र सामाजिक संजाल अकाउन्ट ब्लक गरिएका छन् तिनीहरुको कन्टेन्टले देशमा साम्प्रदायिकता, वैमनस्य र पृथकतावादलाई भड्काउन सक्ने जोखिम भएको भनिएको छ ।

यो भारतको सम्प्रभुता, अखण्डता, देशको सुरक्षा र कानुन व्यवस्थाको स्थितिका लागि हानीकारक हुने विज्ञप्तिमा जनाइएको छ ।दैनिक न्यूज नेपाल


Last Updated on: February 23rd, 2022 at 1:40 pm
११८ पटक हेरिएको

तपाईको प्रतिक्रिया